Tuesday, March 10, 2009
ခက်ဆစ်များနှင့် ရန်ဖြစ်ခြင်း
ကျောင်းတုန်းကတည်းက ဒီကောင့်ကို အမြင်မကြည်တာ။ ဒါပေမယ့်လည်း သိတယ်မဟုတ်လား။ သူနဲ့ ရန်ဖြစ်နေရင် ကိုယ်စာမေးပွဲမှာ အမှတ်နည်းမှာဆိုတော့ ငြိမ်နေရတာ။ အခုတော့ သူ့မျက်နှာလည်း ကြည့်နေစရာမလိုတော့ဘူးဆိုတော့ ကျောင်းတော်က ရန်စ ခုမှ အထုပ်ဖြေရတာပေါ့လေ။ စဉ်းစားကြည့်လေ။ ကဗျာတစ်ပုဒ်ဆိုတာ အာရုံဝင်စားပြီးရေးရတာ။(အဲဒီအကြောင်းလည်း နောက်ကြုံတော့ ပြောပါဦးမယ်)။ ကဗျာရေးဖူးတဲ့သူတွေ ခံစားဖူးမှာပါ။ တခါတလေ ကိုယ်ရေးလိုက်တုန်းက ခံစားချက်မျိုးတောင် နောက်တစ်ခေါက်ပြန်ဖတ်ရင် ပြန်ရချင်မှ ရတတ်တာမျိုးပါ။ ဖတ်တဲ့လူဆိုတာ ကဗျာဆရာရဲ့ ခံစားချက်၊ အမြင်ကို ထပ်တူကျဖို့ဆိုတာဝေးရော။ ရေးတဲ့သူကလည်း ကိုယ့်ခံစားချက် ကိုယ့်အမြင် ကိုယ့်အာရုံနဲ့ကိုယ်ရေး၊ ဖတ်တဲ့သူကလည်း ကိုယ့်ဘာကိုယ်ခံစား၊ ထပ်တူတော့ ဘယ်ကျနိုင်မလဲလေ။ ပြောချင်တာက ကဗျာဆရာရဲ့ တကယ့်ဆိုလိုချက်ကို ကဗျာဆရာကိုယ်တိုင်ကလွဲရင် ဘယ်သူမှ မသိနိုင်ပါဘူး။ တခါတခါ ကဗျာဆရာကိုယ်တိုင်တောင်မှ စကားလုံးတွေရဲ့ အတိမ်အနက်ကို မသေချာပါဘူး (ခံစားချက်ကို အားပြုရေးတဲ့အခါရှိမယ်၊ စကားလုံးကို အားပြုတဲ့အခါပြုမယ်)။ အနုပညာဆိုတာကို ဘာမှန်းရေရေရာရာ မပြောတတ်ပေမယ့် ပုံစံခွက်ထဲအသွပ်ခံထားရတဲ့ စကားလုံးတွေ ဖန်တီးမှုတွေ မဟုတ်တာတော့သေချာပါတယ်။ အနည်းဆုံးတော့ အနုပညာဆိုတဲ့ စကားလုံးရဲ့နောက်မှာ လွတ်လပ်မှုဆိုတဲ့ အငွေ့အသက်လေးတော့ လွင့်လွင့်လေးပါလာတတ်တယ်လေ။ အဲဒါကို ဘယ်သူက စထွင်တယ်မသိတဲ့ ခက်ဆစ်ဆိုတဲ့ကောင်က ကန့်လန့်ကန့်လန့်နဲ့ ကဗျာတွေနောက်မှာ အခန့်သားဝင်ဝင်ထိုင်နေတာ ပြေးပြေးပြီးပဲ နားရင်းအုပ်ချင်တော့တာပဲ။ ကဗျာရေးတဲ့သူက စကားလုံးတစ်လုံးကို ဒီလိုမြင်စေချင်လို့ ခက်ဆစ်ရယ်လို့ သူ့ဘာသူဖွင့်ချန်ခဲ့တာဆို ထားပါတော့။ ခုတော့ ကဗျာဆရာက ဘာပြောချင်မှန်းမသိ ခက်ဆစ်ဖွင့်တဲ့ ဆရာကြီးများ ဆရာမကြီးများက(ဘယ်သူတွေမှန်းတော့ အကျွန်ုပ်လည်း မသိဘူးနော်) ခပ်တည်တည် အဆစ်ပေးသလိုလိုနဲ့ ခက်ဆစ်တွေဖွင့်တာဟာ စကားလုံးတွေကို ထောင်ချ၊ စာဖတ်သူရဲ့ မျက်လုံးတွေကို အတင်းလိုက်ပိတ်တာလို့မြင်မိပါတယ်။ (အဆစ်ပေးတာမဟုတ်ဘဲ အရင်းတောင်ပြန်ပါနေတဲ့ သဘောပါ) ကိုယ်နဲ့မရင်နှီးတဲ့ အရင်ခေတ်အသုံးအနှုန်း၊ ပါဠိစကား၊ အဲဒီလိုတွေကို ခက်ဆစ်ဖွင့်တာ ထားပါတော့။ ဗဟုသုတတောင်ရသေးရဲ့။ ဒါပေမယ့် ကဗျာကို အဓိပ္ပါယ်သတ်မှတ်ပေးတဲ့ ခက်ဆစ်မျိုးတွေကျတော့ လက်မခံချင်လှဘူး။ ဘောင်တစ်ခုထဲပိတ်လှောင်လိုက်သလိုပဲ။ စကားလုံးတစ်လုံးရဲ့ ဆိုလိုချက်က ဒါပါလို့ သတ်မှတ်လိုက်တဲ့အခါ အဲဒီစကားလုံးက ဒီဖွင့်ဆိုချက်ကိုကျော်ပြီး အဓိပ္ပါယ်ရှိခွင့်ကို ဆုံးရှုံးသွားတယ်။ ဗီးနပ်စ်ရုပ်တုလိုပေါ့။ သိကြမှာပါ။ (ဘယ်ထဲမှာ ဖတ်မိလဲတော့မသိတော့ဘူး သိရင်ပြန်ပြောကြဦး) ပညာရှင်တွေက နည်းပညာတွေသုံးပြီး ပြတ်နေတဲ့လက်နေရာမှာအစားထိုးဖို့ နဂိုမူလ လက်အနေအထားကို တွက်ချက်ကြတယ်။ လက်ပြန်တပ်ဖို့စီစဉ်ကြတယ်။ ဒါပေမယ့် နောက်ဆုံးမှာ ပြန်မတပ်ပဲ ဒီတိုင်းထားဖို့ ဆုံးဖြတ်လိုက်ကြတယ်လေ။ ဘာကြောင့်လဲ။ အကြောင်းပြချက်က လက် မရှိတဲ့အတွက် လက်သာရှိရင်ဆိုတဲ့ အနေအထားအတွက် အကန့်အသတ်မရှိ လှခွင့်ပေးလိုက်တာပါ။ ဒီလိုပါပဲ။ ကဗျာတစ်ပုဒ်၊ စာတစ်ပုဒ်မှာလည်း စာဆိုနဲ့ စာဖတ်သူရဲ့ကြားမှာ အကန့်အသတ်မဲ့ ခမ်းနားခွင့်တစ်ခုရှိပါတယ်။ ခက်ဆစ်တွေဟာ စာဆိုရဲ့ ခံစားချက်နဲ့ စာဖတ်သူရဲ့ ခံစားနားလည်မှုကို တံတိုင်းတစ်ခုခြားပြီး နယ်နမိတ်ကန့်သတ်လိုက်တယ်။ ခက်ဆစ်အဖွင့်လို့ ခေါင်းစဉ်တပ်ထားပေမယ့် တကယ်တော့ ခက်ဆစ်အပိတ်တွေပဲ။ စကားလုံးတွေရဲ့ နယ်ပယ်၊ သက်ရောက်နိုင်စွမ်းတွေကို ပိတ်ပစ်လိုက်တာပါ။ တကယ်လို့များပေါ့ ပီတိကဗျာတွေကို ခက်ဆစ်အပိတ်တွေနဲ့ ရုပ်ဖျက်မယ့် ကျောင်းသုံးကဗျာဖတ်စာအုပ်မှာ သုံးမယ်ဆိုရင် (လုံးဝ(လုံးဝ))ခွင့်ပြုနိုင်မည် မဟုတ်ပါကြောင်း ဆိုင်ရာပိုင်ရာတို့အား ကြိုတင်အသိပေးအပ်ပါသည်ရှင့်။ ပီတိ(စိတ်ပညာ)
Subscribe to:
Post Comments (Atom)
2 comments:
May I leave some of my opinions? :D
Well, by somehow if your poems (your feelings, your art) were published in high school text books, I think it will be quite hard to grab and understand without any vocabs. However, if your poems were taught in University of Art or any higher level then it won't be so hard for a student to appreciate the poems without any vocab.
Everything we have learnt from our high school are just about education, about knowledge. We haven't learnt about literature nor art. Education and knowledge are not art. We must be educated or must be knowledgeable enough to appreciate "art" or "literature". I feel like we can't just ignore education and focus on "art". Education is like foundation for art. Education just told us how to stand and walk. Later in our lives, it is just up to us to decide whether to run or jog or jump or do anything.
အကြီးအကျယ် ထောက်ခံပါတယ်ခင်ဗျာ
ငယ်ငယ်ကဆိုရင် ခက်ဆစ်တွေကို သည်၊၏ မမှားရဲလောက်အောင်ကျက်ခိုင်းတဲ့ပုံဆရာ၊ဆရာမတွေ
က ထပ်ပြီးချောင်ပိတ်ခဲ့ကြတယ်။
တကယ်တော့ ခက်ဆစ် မှားရင် အမှတ်လျှော့ကြတဲ့
(ကျွန်တော်ကြုံခဲ့ရတဲ့)ဆရာသမားတွေဟာ အနုပညာရှေ့ရေးကို ပိတ်ပင်သူတွေဖြစ်မှန်းမသိ ဖြစ်ခဲ့မှန်း
သူတို့ ကိုယ်တိုင်တောင် သိကြပါ့မလား။
Post a Comment