ဆုပ်ဖမ်းလို့တောင် မမီလိုက်တဲ့
အဲဒီ ပစ္စုပ္ပန်တွေထဲ
ဖျတ်ခနဲ ဖျတ်ခနဲ
ဖျတ်ခနဲ ဖြိုးခနဲ
ရိပ်ခနဲ လက်ခနဲ
ခဏငယ်တွေ
ဝိညာဉ်ပေါ်က လှိုက်သွန်ဖြတ်စီးနေကြ
လာနေပြီ . . . ကျော်သွားပြီ . . . လာနေပြီ . . ကျော် . .
နာရီကလည်း သူ့ကိုယ်သူပြန်ခွစီးလို့
ခဏခဏကုန်ခမ်းပစ်ရတာ ငြီးငွေ့နေခဲ့
ပစ္စုပ္ပန်ဆိုတာ အတိတ်ဖြစ်တော့မယ့်
အနာဂတ်ဟောင်းတချို့ ခေါင်းချရာ . . .
ခုနက အနာဂတ် အခုပစ္စုပ္ပန်
ခဏနေတော့ . . . အတိတ်တဲ့
အဲဒီလောက် ဗလောင်းဗလဲ ဘဒ္ဒမှာ
ဘယ်အရာကများ ဖက်တွယ်ထိုက်သေးလို့လဲ
အတိတ်ဆိုတာလည်း မရှိ
အနာဂတ် မရှိ
ပစ္စုပ္ပန် မရှိ
ငါမရှိ
ငါမရှိတဲ့ ငါကောင်တွေက ငါခွံခြုံရင်း
ညှီနံ့သင်းသင်း ဂီတတွေပျော်ဝင်တီးခတ်ကြတာ
ကမ္ဘာလောကတောင် သေးသိမ်ပွဖောင်းလာရ
နောက်ဆုံး . . .
. . . . . . . . . . . . . . . . . .
. . . . . . . . . . . . . . . ။ ။
1 comment:
(အောက်ပါတို့မှာ ကဗျာ၏စကားပြေမဟုတ်ပါ။ ကဗျာကို ကျွန်တော့်ကိုယ်ပိုင်ရှုထောင့်မှ မြင်ရသော အမြင်သာဖြစ်ပါသည်။)
ကဗျာထဲမှာ တရားရှုမှတ်နေတဲ့ ကဗျာဆရာကို အထင်းသားမြင်နေရတယ်။ ပညတ်ထားတဲ့အချိန်တွေ တစ်နှစ်သုံး အစီအစဉ်အတိုင်းစီးဆင်းနေတာကို စောင့်ကြည့်နေတဲ့ သူ (ကဗျာဆရာ) ဟာ ပစ္စုပ္ပန်ကို လက်ဆုပ်လက်ကိုင် ဖမ်းမမိနိုင်ဘဲ လွတ်လွတ်ထွက်သွားတာကို တွေ့ရတယ်။ ၀ိပဿနာ၊ သမထစသည်ဖြင့် Meditation လုပ်ဖူးသူတိုင်း အစပိုင်း (အဲဒီအစပိုင်းဟာ အတော်ကြာကြောင်း) ကြုံတွေ့ရတဲ့ ပြဿနာမျိုးပဲ။
လာနေပြီ ကျော်သွားပြီဆိုတဲ့နေရာမှာ၊ ရောက်နေပြီ (Being) ကို လွတ်ထွက်သွားတာ တွေ့ရတယ်။ မရှိတဲ့နှစ်ခုကိုသာ ကဗျာဆရာဟာ မျှော်ကြည့်နေတာဖြစ်လို့ သူဟာ တရားရှုနေသူတစ်ယောက်လို့ မသတ်မှတ်နိုင်တော့ဘူး။ တရားကျနေသူတစ်ယောက်သာ ဖြစ်တယ်။ ပစ္စုပ္ပန်ဆိုတာ အတိတ်ဖြစ်တော့မယ့် အနာဂတ်ဟောင်းတချို့ ခေါင်းချရာ… ဆိုတဲ့ အသုံးအနှုန်းဟာ ကျစ်လစ်လှပပြီး တိုက်ရိုက်ကျတဲ့ နိမိတ်ပုံတစ်ခုပဲ။
ပြီးတော့ စကားလုံးပညတ်ချက်တွေကို ဗလောင်းဗလဲနိုင်တယ်လို့ ဆိုထားပြန်တယ်။ ဒီအမြင်ဟာ ရုတ်တရက်ကြည့်လိုက်ရင် အပြစ်ရှာတဲ့ဟန်ပေါက်နေပေမယ့် အလေးအနက် စဉ်းစားကြည့်ဖို့ကောင်းတယ်။ ဘာဖြစ်လို့ တစ်ခုတည်းသောအရာဟာ နာမည် သုံးမျိုးသုံးလီကွဲနေရလဲ…။ ကွဲသွားစေရဲ့ စံက ဘာလဲ။ အဲဒီအရာ (အချိန်) ဆိုတာကို ရှုနေတဲ့ ကျွန်တော်တို့ရဲ့ စိတ်ပဲလား…။ အခုစဉ်းစားနေတဲ့စိတ်ဟာ ပစ္စုပ္ပန်မှာပဲ ရှိတာကိုး။ ပစ္စုပ္ပန်ကနေပဲ အတိတ်တို့၊ အနာဂတ်တို့ဆိုတဲ့ မရောက်နိုင်တဲ့နေရာတွေဆီ မျှော်ကြည့်ကြရတာ မဟုတ်လား။ ငါမရှိဆိုတာကတော့ တရားစာအုပ်တွေထဲမှာ ကြိမ်ဖန်များစွာ ပါဖူးခဲ့ပြီ။ ဘယ်လိုမရှိမှန်းတော့ သိနိုင်လောက်တဲ့ ဉာဏ်ပညာ ကျွန်တော့်မှာမရှိပါဘူး။ ဒါပေမဲ့ “ငါတွေးတယ်၊ ဒါကြောင့်ငါရှိတယ်” (I think. Therefore, I am) ဆိုတဲ့ ဒေးကားတစ်ယောက်တော့ ဒီကိစ္စကို ဘယ်လိုတွေးမလဲဆိုတာ စဉ်းစားနေမိတယ်။
ကျွန်တော် နားမလည်တဲ့တစ်ချက်ကတော့ ကဗျာရဲ့ခေါင်းစဉ်ပဲ။ အကြောင်းအရာနဲ့ ခေါင်းစဉ်နဲ့ ဆက်စပ်ကြည့်လို့ မရဘူးဖြစ်နေတယ်။ ပုဂ္ဂိုလ်ရေးအကြောင်းအရာတစ်ခု (Personal) ကို ပေးထားသလား၊ ဘယ်လိုအဓိပ္ပာယ်ချိတ်ဆက်ထားသလဲ ကျွန်တော် မဖမ်းမိပါဘူး။ လေးဖြူရဲ့ စာမျက်နှာ (၁၅) တို့၊ လိပ်ပြာ တို့လို ခေါင်းစဉ်မျိုးလား တွေးမိတယ်။ ဒါပေမဲ့ ကဗျာဆရာဟာ ဘာသာဗေဒကို (ခပ်တည်တည်နဲ့) ကျွမ်းကျွမ်းကျင်ကျင် သုံးနိုင်တာကိုတော့ ၀န်ခံရလိမ့်မယ်။
နောက်ဆုံးမှာ အထက်ပါ (ငါမရှိဆိုတဲ့) အဆိုကို ဆက်လက်သက်သေထူရင်း ကဗျာဟာအဆိုးမြင် (Pessimistic) ရနံ့ ပိုပြီးသင်းလာတယ်။ နောက်ဆုံးတော့ ကဗျာဆရာမှာ ပြောစရာစကားလုံးတွေတောင် ပျောက်ဆုံးသွားတာကို တွေ့ရတော့တယ်။
ခြုံငုံပြီးပြောရရင် ကဗျာဟာ လေးနက်တဲ့အကြောင်းအရာတစ်ခုကို ကျောရိုးပြုပြီး ရေးဖွဲ့ထားတာဖြစ်တယ်။ အပေါ်ယံကြော အဆိုးမြင်နေရုံမျှမဟုတ်ဘဲ နက်နဲတဲ့ သဘောတရားတစ်ခုကို မဏ္ဍိုင်ပြုထားတာလို့ အပျင်းပြေဖတ်ရမယ့် ကဗျာအမျိုးအစားမဟုတ်ကြောင်း၊ ရသခံစားမှုထက်စာရင် အတွေးဖြန့်ကျက်ဖို့အတွက် ပိုမိုအားကောင်းသောကဗျာဟု မြင်ပါတယ်။
<<<တေဇာ>>>
Post a Comment