ဆုပ်ဖမ်းလို့တောင် မမီလိုက်တဲ့
အဲဒီ ပစ္စုပ္ပန်တွေထဲ
ဖျတ်ခနဲ ဖျတ်ခနဲ
ဖျတ်ခနဲ ဖြိုးခနဲ
ရိပ်ခနဲ လက်ခနဲ
ခဏငယ်တွေ
ဝိညာဉ်ပေါ်က လှိုက်သွန်ဖြတ်စီးနေကြ
လာနေပြီ . . . ကျော်သွားပြီ . . . လာနေပြီ . . ကျော် . .
နာရီကလည်း သူ့ကိုယ်သူပြန်ခွစီးလို့
ခဏခဏကုန်ခမ်းပစ်ရတာ ငြီးငွေ့နေခဲ့
ပစ္စုပ္ပန်ဆိုတာ အတိတ်ဖြစ်တော့မယ့်
အနာဂတ်ဟောင်းတချို့ ခေါင်းချရာ . . .
ခုနက အနာဂတ် အခုပစ္စုပ္ပန်
ခဏနေတော့ . . . အတိတ်တဲ့
အဲဒီလောက် ဗလောင်းဗလဲ ဘဒ္ဒမှာ
ဘယ်အရာကများ ဖက်တွယ်ထိုက်သေးလို့လဲ
အတိတ်ဆိုတာလည်း မရှိ
အနာဂတ် မရှိ
ပစ္စုပ္ပန် မရှိ
ငါမရှိ
ငါမရှိတဲ့ ငါကောင်တွေက ငါခွံခြုံရင်း
ညှီနံ့သင်းသင်း ဂီတတွေပျော်ဝင်တီးခတ်ကြတာ
ကမ္ဘာလောကတောင် သေးသိမ်ပွဖောင်းလာရ
နောက်ဆုံး . . .
. . . . . . . . . . . . . . . . . .
. . . . . . . . . . . . . . . ။ ။
