လတ်တလော အခြေအနေ

Phobia တွေ အကြောင်းရေးမယ်လို့ တေးထားတာကြာပါပြီ။ ဒါပေမယ့် မရေးဖြစ်ဘူး။ ကဗျာလည်း မရေးဖြစ်ဘူး။ စာမရေးဖြစ်လို့ ဘာတွေလုပ်ဖြစ်လဲ ဆိုတော့လည်း ဘာမှ မလုပ်ဖြစ်ပါဘူး။ ကျောင်းတက်ရတာလည်း တော်တော်လေး ပျင်းနေပါတယ်။ တက်လိုက်ပျက်လိုက်နဲ့။ Assignment တွေ စာမေးပွဲတွေနဲ့ Final Project တစ်ခုကလည်း November မတိုင်ခင် ရှိနေပါတယ်။ ကဗျာရေးဖို့ စဉ်းစားနေပေမယ့် ခေါင်းထဲမှာရော ရင်ထဲမှာရော ဘာမှ မရှိသလိုဖြစ်နေလို့ ဘာမှမရေးဖြစ်ပါဘူး။ Inspiration လိုတယ်ဆိုပြီး စာဖတ်ဖို့ စဉ်းစားပါတယ်။ တစ်ရွက်နှစ်ရွက်လှန်ပြီး အိပ်ပျော်ပျော်သွားပါတယ်။ သူများတွေ ကဗျာရေးတာလိုက်ဖတ်ပါတယ်။ ဘာတွေမှန်း မသိတာနဲ့ ဆုံးအောင်မဖတ်ဖြစ်တာ များပါတယ်။ နားမလည်တဲ့ ဘာသာစကားတွေနဲ့ ရေးထားသလို ခံစားရပါတယ်။ ကဗျာဝါသနာမပါတဲ့ သူငယ်ချင်းတွေကို ပြောတတ်တာ ပြန်သတိရမိတယ်။ တစ်ခါဖတ်ကြည့် နားမလည်ရင် နှစ်ခါပြန်ဖတ်၊ နှစ်ခါဖတ်လို့နားမလည်ရင် သုံးခါဖတ် သုံးခါဖတ်လို့မှ နားမလည်ရင် ကိုယ့်အဆင့်ကိုယ်သိ၊ ဆိုတာပါ။ အခုတော့ အဲဒါကိုယ့်ဘာကိုယ်ပဲ ပြန်ပြောရမယ် ထင်ပါတယ်။ ဒါပေမယ့် ကိုယ့်ဘာကိုယ် အရမ်းကိုပုံမှန် ဖြစ်နေသလိုခံစားရပါတယ်။ လူသားဆန်နေတယ်လို့ ထင်နေတာပါ။ ပေါ့ပေါ့ပါးပါးနဲ့ နေရတာ အဆင်ပြေနေပါတယ်။ အဲဒါကြောင့် ဒီတိုင်းလေးပဲ နေနေပါတယ်။ ရုတ်တရက် ထပြီး Serious ဖြစ်ချင်လည်း ပြန်ဖြစ်သွားပါမယ်။

အခုလောလောဆယ် ကိုနေမိုးဝေ ရဲ့ စံပယ်ပွင့်ဖြူသူမ ကိုပဲ တော်တော်လေးကြိုက်ပါတယ်။ လင်းပွင့်လက်များက e-book အတွက်ကဗျာတောင်းတာလည်း မပေးဖြစ်ပါဘူး။ စာအုပ်အတွက် ကဗျာပေးဖို့လည်း မသေချာသေးပါဘူး။ အားလည်းနာပါတယ်။ အားလည်းမနာပါဘူး။ အားနာရမှာလည်း အားနာမိပါတယ်။ အရင်ကတည်းက ပီတိဆိုတာ သုံးလေးလနေမှ တစ်ပုဒ်ရေးတာပါ။ ရေးချင်လာမှ ချက်ချင်းထရေးတတ်တာမျိုးပါ။ ရေးချင်စိတ်မရှိရင်လည်း ရေးဖို့ မကြိုးစားပါဘူး။ အခု အဖွဲ့အစည်းနဲ့ဆိုတော့ ကြိုးစားရေးကြည့်ပေမယ့် ကြိုးစားပြီးရေးရတာ ကိုယ့်ဘာကိုယ် အားနာမိပါတယ်။းD ။ သိပ်လည်း စိတ်တိုင်းမကျသလိုရှိတယ်။ စကားမစပ် ကလောင်နာမည်လည်း ပြောင်းဖို့ စဉ်းစားနေပါတယ်။ လျာထားတာတော့ ခဂ္ဂါလို့ပါ။(ဂငယ် နှစ်လုံးဆင့်ပါ) ခဂ္ဂါဦး ဆိုတဲ့ ဇာတ်ကောင်နာမည်က ယူတာပါ။ ဒါးလို့ အဓိပ္ပာယ်ရတယ်။ ဒီတစ်ယောက်ကလည်း ဒါးခရေဇီ ဆိုတော့ အဲဒီနာမည်ကို ကြိုက်နေတာပါ။

ဒါးဆိုလို့ ပြောပါဦးမယ်။ ပီတိ စာရေးရင် မြန်မာစာလုံးပေါင်းသတ်ပုံကျမ်းတို့ မြန်မာအဘိဓာန်တို့နဲ့ စစ်ပြီးရေးပါတယ်။ ဒါပေမယ့် ဒါးကို ဒ နဲ့ ဒါးလား ဓ နဲ့ ဓါးလားဆိုတာတော့ ကြည့်ဖူးပေမယ့်မှတ်မထားဖြစ်လို့ မေ့သွားပါတယ်။ မေ့ပစ်လိုက်တယ်လို့ပြောရင် ပိုမှန်မယ်ထင်တယ်။ ဘာလို့လဲဆိုတော့ ပုဂ္ဂိုလ်စွဲအရ ဒ နဲ့ပဲ ဒါးချင်လို့ပါ။ ဓနဲ့ဓါးရတာ အသွားမထက်ဘူလို့ပဲ ခံစားရပါတယ်။ အဲဒါကြောင့် ဟိုတစ်ယောက်နဲ့ တိုင်ပင်ပြီး နှစ်ဦးသဘောတူ ဒါးလို့ပဲ ရေးပါတယ်။ (အမှန်က ဘာလဲလို့လဲ လာမပြောကြပါနဲ့။ ပြောလည်း ဘာပဲဖြစ်ဖြစ် ဒနဲ့ပဲ ဒါးပါမယ်းD)။

ဒီဟာဘာလဲဆိုတော့ ဘာမှမဟုတ်ပါဘူး။ ဒီတိုင်းပဲ ရေးချင်တာတွေ ရေးတာပါ။ စောင့်ဖတ်တဲ့သူတွေရှိတဲ့ ဘလော့မျိုးလည်းမဟုတ်တော့ ဆားလည်း ချက်စရာမရှိပါဘူး။ ချက်ချင်းချက် ကိုယ့်ဘာသာ ဟင်းချက်ပြီးပဲစားပါမယ်။ ကဗျာတွေစာတွေ တည်တည်တံ့တံ့ပို့စ်တွေတော့ လာချင်လည်းလာပါမယ် ကြာချင်လည်းကြာပါမယ်။ တော်တော်ကြာကြာ ပျောက်ချင်လည်း ပျောက်နေပါဦးမယ်။ ပေါက်ကရတွေပဲ လာလာရေးချင်လည်း ရေးနေပါဦးမယ်။ ဒီစာလည်း ဒီမှာပဲ အဆုံးသတ်လိုက်ပါတယ်။

ပြတ်ရွေ့တောင်တန်းများ

ဆာလောင်မွတ်သိပ်စွာနဲ့ ရှာဖွေကြ
ချုပ်နှောင်ကာရံထားတာတွေ ဖြိုဖျက်ချ
တစ်ယောက်က ချောင်းကြည့်
တစ်ယောက်က ခေါင်းပြူကြည့်
Freedom of Expression
Freedom of Religion
Freedom from Want
Freedom from Fear
Freedom from ..
Freedom Fr..
Free...
Free..
စည်းလေးနည်းနည်းချဲ့
". . . . . . "
ဘောင်လေးနည်းနည်းတိုးရွှေ့
". . . . "
Dimension ရွှေ့ကြည့်
Angle တွေ change ကြည့်
Hunger for change
Hunger for Something New
ဘုရား ဘုရား အပြင်းစားရောဂါတွေပါလား
ငါ့ဗိုက်ထဲမှာလည်း "အသစ် အသစ် အသစ်" လို့
တကြုတ်ကြုတ်မြည်တဲ့ ဗိုင်းရပ်စ် တွေ
နားလည်စမ်းပါ
အများညီရင် ( ဤ )လည်း ကျွဲ ဖြစ်တယ်
လက်တို့ကြ
ခေါင်းညိတ်ကြ
ပန္နက်ချကြ
နယ်မြေသစ်တည်ထောင်ကြ
အော်နေတုန်းပဲ "လွတ်မြောက်ခြင်း"တဲ့
ခပ်တည်တည်ပဲ
ဘောင်တစ်ခုက ရုန်းထွက်ပြီး
ဘောင်အသစ်ထဲ ကိုယ့်ကိုယ်ကို ထည့်ပိတ်ကြတယ်။
(လင်းပွင့်လက်များအဖွဲ့ရဲ့ ပထမဦးဆုံး underground ကဗျာစာအုပ် "ခြစ်ရာ ၁ ၂ ၃ ၄ စသည်ဖြင့်" အတွက် ကဗျာဖြစ်ပါတယ်။ ၀ယ်ယူအားပေးလိုသူများ ၊ T9 CyberCafe ၊ သံသုမာလမ်း ၊
ပြည်ထောင်စုခုံးတံတားအနီး ၊ သုဝဏ္ဏမြို့ နယ်တွင် ၀ယ်ယူနိုင်ပါတယ်။)

စောင့်ရင်းကြမ်းသွားတဲ့ ဆုတောင်းများ (သို့မဟုတ်) ဆုတောင်းကြမ်းတဲ့သူ

ငါက ဆယ်တန်းမှာ
Physics အမှတ်နည်းတဲ့ကောင်။
စိတ်မရှိပါနဲ့။
ဖန်ခွက်မဟုတ်တော့လည်း
ခွမ်းကနဲမမြည်ဘူးလေ။
အကောင်းအတိုင်းဖြစ်ဖို့ကြိုးစားတိုင်း
သွေးတစိုစိုနှလုံးသားမှာ ဖန်ကွဲစပဲတွေလာလာစိုက်တယ်
ဖြစ်နိုင်တာက ငါ လုံလောက်တဲ့ အားထုတ်ခြင်းအမှုကို မပြုခဲ့လို့ထင်တယ်။
ဖြစ်သင့်တာက ....... ။
အဲဒါသင်တဲ့နေ့က ငါကျောင်းပြေးတယ်။
လွမ်းစရာကို နာစရာနဲ့ မဖြေပါဘူး
နာစရာတွေကိုသာ လွမ်းစရာနဲ့ချေပစ်တယ်
ဘာလို့များ အဲဒီတိမ်တိုက်တွေဆီ လက်တွေကမ်းမြှောက်လိုက်တိုင်းမှာ
ပြဿဒါးတွေပဲ လာလာမှောက်ကျနေရတာပါလိမ့်။
ဖုန်းဆိုးတောထဲက မြက်ရိုင်းတစ်ကောင်လို
လေပြေတပွေ့နဲ့ပဲ အိပ်တန်းတက်
အိပ်မက်တွေကိုလည်း လျှော့ဈေးနဲ့ အရုဏ်ဦးအထိ ခမ်းနားကြည့်တယ်
အိပ်မက်တွေမှာလည်း အိပ်မက်မက်ခွင့်တော့ရှိသင့်တာပဲ
ပြောဖူးနေကျအတိုင်းပေါ့
မလုံလောက်သေးတဲ့ မနက်ဖြန်တွေပဲ ထပ်တလဲလဲကွာကျရင်း
ပြီးခဲ့တဲ့တစ်နေ့ဟာ နောက်တစ်နေ့ကို
ကော်ဖီဆိုင်မှာ ထိုင်စောင့်တယ်
ကိုရီးယားကားကြည့်ရင်း စောင့်တယ်
အပယ်ခံကဗျာတွေရေးရင်းစောင့်တယ်
ဆုတွေတောင်းရင်းစောင့်တယ်
သိတဲ့အတိုင်းပဲ
ငါက ဆယ်တန်းမှာ
Physics အမှတ်နည်းတဲ့ကောင်။
Black Hole နဲ့ မရင်းနှီးသလို
ဘုရားသခင်နဲ့လည်းရန်မဖြစ်ဖူးတော့
ဆုတွေတောင်းရင်းစောင့်တယ်။
ဆုတွေကြမ်းရင်းစောင့်တယ်။
ဆုတောင်းတွေကြမ်းရင်းစောင့်တယ်။
စောင့်ရင်းစောင့်ရင်း
တောင်းရင်းတောင်းရင်း
ဆုတောင်းတွေကြမ်းကြမ်းလာတယ်။
သိတဲ့အတိုင်းပဲလေ
ငါက ဆယ်တန်းမှာ
Physics အမှတ်နည်းတဲ့ကောင်ကိုး။

သူမ ဘာကြောင့် ... (၁)

စိတ်ဖိစီးမှုတွေနဲ့ ကြုံရတဲ့အချိန်မှာ အမျိုးသားတွေရဲ့ ကြောင်းကျိုးဆက်စပ်စဉ်းစားတဲ့ logical function တွေက နိုးထလာပြီး အမျိုးသမီးတွေမှာတော့ စကားပြောတဲ့ speech function တွေက activate ဖြစ်လာပါတယ်။ အဲဒီလိုဖြစ်လာတဲ့ အခါ အမျိုးသမီးဟာ သူမရဲ့ စကားပြောခန်းကို စပါတော့တယ်။ တစ်ခါတစ်လေ မရပ်မနားကို ပြောပါတယ်။ ဟုတ်ပါတယ်။ အမျိုးသမီးတစ်ယောက် စိတ်ဖိစီးမှုများတဲ့အခါ သူမ ပြောတာတွေနားထောင်ပေးမယ့် တစ်စုံတစ်ယောက်ကို တရစပ်ကိုပြောပါတယ်။ သူမဟာ သူမရဲ့ ပြဿနာ စိတ်ညစ်စရာတွေရဲ့ အသေးစိတ် ခရေစေ့တွင်းကျကို သူမနဲ့ ရင်းနှီးသူတစ်ယောက်ကို နာရီပေါင်းများစွာပြောနိုင်ပါတယ်။ ဒါတင်လားဆိုတော့ မကပါဘူး။